Rusiya Ukraynaya heç bir şəkildə məğlub olmayacaq.

Koordinat.az xəbər verir ki, bunu Rusiyanın xarici işlər naziri Sergey Lavrov deyib: "Bu məsələ artıq dəfələrlə müzakirə olunub. Tarixi öyrənməyənlər, Qərbdə də çox olanlar bu mövzuda istədikləri qədər fantaziyalar qura bilərlər. Biz digər ölkələrin Ukrayna ilə bağladığı müqavilələrə etiraz etmirik. Bizim məqsədimiz dəyişməz olaraq qalır. Bunu ötən gün Rusiya Prezidenti Vladimir Putin də təsdiqləyib. Biz əzmlə bu məqsədlərə nail olacağıq. Putin dəfələrlə Rusiyanın Ukrayna ilə bağlı danışıqlardan əl çəkmədiyini bildirib. O, bunu hələ 2022-ci ildə, keçmiş Britaniya baş naziri Boris Consonun və digər anqlo-saksonların göstərişi ilə Ukraynaya Rusiya ilə artıq razılaşdırılmış nizamlama sazişini imzalamağı qadağan ediləndə demişdi. Bu hekayə 2022-ci ilin aprelində yaxşı məlum idi. 2022-ci ildə bu məsələ ilə bağlı danışan Putin bir daha dedi ki, biz danışıqlardan imtina etmirik. Amma imtina edənlər başa düşməlidirlər ki, nə qədər geciksələr, danışıqlar aparmaq bir o qədər çətin olacaq. İndi biz bu proqnozun həyata keçdiyini görürük".