Koordinat.az bildirir ki, bu sözləri Ermənistanın Baş naziri Nikol Paşinyan sabiq prezident Koçaryanın onu hava hucumlarına qarşı dura bilməməklə bağlı ittihamlarını cavablandırarkən deyib: “Səma bağlı idi, cənablar. 2017-ci ildə erməni ordusu üçün 42 milyon dollara aldığınız sistem işləmədi. Bu sövdələşmənin həmmüəllifi guya sensasiyalı bəyanat verib deyir ki, ona bunun əvəzində SU-30 almaq üçün “otkat” təklif etsələr də imtina edib və həmin sistemi alıb. Bəs bu işləməyən sistemi necə aldınız?. 2,5 il ərzində biz nə bacardıqsa aldıq. Əsgər yeməyini, ayaqqabı, avtomat, patron,təyyarə - son 20 il ərzində alınmalı olan şeyləri almalı olduq. Niyə bunu 18-20 il ərzində etməmişdiniz? Bəs ada, villa, xaricdə evləri necə ala bildiniz, İsveçrə banklarında pulları necə qoya bildiniz?”.