Rus sülhməramlıları indiyədək 52 700 ermənini Qarabağa qaytarıb
Ölçü:

 
Dağlıq Qarabağda 27 müşahidə məntəqəsində Rusiya sülhməramlıları vəziyyəti gecə-gündüz izləyir və atəşkəs rejiminə əməl olunmasına nəzarət edir.

Koordinat.az
xəbər verir ki, bu barədə Rusiya Müdafiə Nazirliyinin yaydığı məlumatda bildirilib. Hazırda atəşkəs bütün istiqamətlərdə müşahidə olunur.

Məlumatda vurğulanıb ki, rus sülhməramlıları insanların yaşayış yerlərinə təhlükəsiz qayıtmasını və mülki infrastrukturun bərpasını təmin edir, əhaliyə humanitar yardım göstərir. Ümumilikdə 14 noyabr 2020-ci ildən bu yana 52 700 nəfər Dağlıq Qarabağdakı yaşayış yerlərinə qayıdıb.

Dağlıq Qarabağ ərazisinin minalardan təmizlənməsi işləri davam etdirilir. Gün ərzində 13 hektar ərazi, 4 km yol, 15 tikili minalardan təmizlənib, 43 partlayıcı aşkar olunaraq məhv edilib. Ümumilikdə, 23 noyabr 2020-ci ildən bəri 1474 hektar ərazi, 457 km yol, 1440 tikili, o cümlədən 30 sosial əhəmiyyətli obyekt partlamamış hərbi sursatlardan təmizlənib, 24 870 partlayıcı maddə aşkar edilərək zərərsizləşdirilib.

Rus sülhməramlıları Azərbaycan Silahlı Qüvvələrinin 6 avtomobil karvanının təhlükəsiz keçidini təmin edib. Onlardan 4-ü şimal və cənub istiqamətində Laçın dəhlizindən, 1-i Şuşa-Qırmızı bazar-Qacar kəndi marşrutu boyunca və 1-i əks istiqamətdə müşayiət edilib.

Rusiya sülhməramlı kontingentinin məsuliyyət zonasında baş verə biləcək hadisələrin qarşısını almaq məqsədilə səyləri koordinasiya etmək üçün Azərbaycan və Ermənistan silahlı qüvvələrinin baş qərargahları ilə davamlı əlaqə saxlanılır.


22.02.2021 10:26:00
Oxuma sayı: 246