51 min 941 abituriyent tələbə adı qazandı
Ölçü:


Dövlət İmtahan Mərkəzi (DİM) ali məktəblərin bakalavr pilləsinə qəbulun nəticələrini açıqlayıb.

DİM-dən Koordinat.az-a verilən məlumata görə. Bu il ali təhsil müəssisələrinin müsabiqəsində 70301 nəfər iştirak edib. Onlardan 51941 nəfəri (o cümlədən 6592 subbakalavr) ali təhsil müəssisələrinə qəbul olunub. 24594 (o cümlədən 1389 subbakalavr) nəfər dövlət sifarişi əsasında, 27347 (o cümlədən 5203 subbakalavr) nəfər isə ödənişli əsaslarla təhsil almaq hüququ əldə edib.

İxtisas qrupları üzrə qəbulun statistikası ilə aşağıdakı kimidir. Mötərizədə subbakalavrların sayı göstərilir:  
 
 İxtisas qrupu       Ödənişli          Dövlət sifarişi                Cəmi

         I                  4854 (1677)       11779 (1054)                16633 (2731)
        II                 8615 (2985)        4313 (0)                      12928 (2985)
       III                10699 (405)         4194 (0)                      14893 (405)
      IV                  971 (105)           2895 (300)                   3866 (405)
      V                   2208 (31)            1413 (35)                   3621 (66)
  CƏMİ:               27347 (5203)      24594 (1389)           51941 (6592)

 
Xatırladaq ki, bu il 2 nəfər beynəlxalq fənn olimpiadası, 50 nəfər respublika fənn olimpiadası, 98 nəfər beynəlxalq idman yarışlarının qalibi olduğu, 31 nəfər isə beynəlxalq səviyyədə akkreditasiya olunan təhsil proqramları (IB və A-Level) üzrə təhsil aldığı üçün müsabiqədənkənar ali təhsil müəssisələrinə qəbul olunmaq hüququ qazanaraq müvafiq ixtisaslara yerləşdirilib.
 

Bundan əlavə, 313 abituriyent SAT imtahanının nəticələrinə əsasən, 124 abituriyent isə ADA məktəbinin məzunu kimi ADA Universitetinə qəbul olunub.

Həmçinin, I ixtisas qrupu üzrə 160 abituriyent Azərbaycan – Fransız Universitetinə (UFAZ), IV ixtisas qrupu üzrə 125 abituriyent İ.M.Seçenov adına Birinci Moskva Dövlət Tibb Universitetinin Bakı filialına, 76 abituriyent (I-IV ixtisas qrupları üzrə) M.V.Lomonosov adına Moskva Dövlət Universitetinin Bakı filialına qəbul olunub.
 
31.08.2023 09:33:00
Oxuma sayı: 5129