Bəhmən Vətənoğlunun islam dünyası - Nağdəli Keştəkli yazır
Son dövr ədəbiyyatımızda tez-tez rast gəldiyimiz və elə özümüzün də işlətdiyimiz bir ifadə var – “islam şairləri”, “islam yazarları”!
Kimdir islam şairləri – müqəddəs kitabımızın surə və ayələrini şeir dilində, hər xalqa öz ana dilində çatdıran sevgili Allah adamları. Bu sevgili Allah şairlərindən biri də sövetlər dönəmində, senzuranın mətbuat üzərindəki kəshakəs vaxtlarında Uca Allahın, İslam dinimizin təbliği yolunda qələmi ilə cihad eləyən cəsarət mücəssəməsi Bəhmən Vətənoğludur.
“Qurani-Kərim”in 31-ci Loğman surəsinin 27-ci ayəsində deyildiyi kimi, “Yer üzərində bitən bütün ağaclar qələmlərə dönsələr, yeddi dəniz də mürəkkəbə, yazılmaqla bitən deyil Allahın kəlamları. Şübhəsiz, güclüdür, müdrikdir Allah”, – Allahın camalının təsvir oluna bilmədiyi halda, hər bir islam şairi azacıq da olsa, öz şeir töhfəsini vermişdir.
Dinimizin dondurulduğu, məscidlərimizin bağlandığı dövrlərdə Vətənoğlu misralarının o qalın buzları əritmək gücünü indi-indi qavrayir, heyranlığımı dilə gətirməkdə çətinlik çəkirəm.
Bir nizam veribdi hər gərdişinə,
Əl atmaq olarmı Onun işinə?!
Zəmin yaradacaq pərvərişinə,
Əl atmaq olarmı Onun işinə?!
Zəmin yaradacaq pərvərişinə,
Fidanı səhrada bitirən Allah!
-Quran ayələri ilə necə də uzlaşır. Ənam surəsi, 96-cı ayə: “Dan yerini sökən odur. Gecəni rahatlıq zamanı, günəşlə ayı vaxt olçüsü eləmiş. Bunlar güclü olan, hər şeyi bilən Allahın nizamıdır”.
Mələyə bənzətmə gözəli, Bəhmən,
Əlbəttə, mələkdən incan gözəldi.
Əlbəttə, mələkdən incan gözəldi.
İlahi, nə yaratmısan,
Gösəl insan gözəllikdə?!
Mələklərin həddi nədir,
Gösəl insan gözəllikdə?!
Mələklərin həddi nədir,
Ola canan gözəllikdə!
Nədən biləcəklər külə dönmüşük,
Torpağa çevrilib gilə dönmüşük,
Çiçəyə dönmüşük, gülə dönmüşük,
Torpağa çevrilib gilə dönmüşük,
Çiçəyə dönmüşük, gülə dönmüşük,
Dağlarda bitmişik, nə biləcəklər?!
Bu gün “Qurani-Kərim”in Rum surəsindəki (19) “Ölüdən dirini, diridən ölünü çıxarar, torpğa ölümündən sonra dirilik verər o, Siz də diriləcəksiniz beləcə (20). Sizi torpaqdan yaratmış. Sonra siz insanlar yer üzünə səpələnmisiniz. Bunlar onun qüdrətinin dəlilləridir. Eləcə də Sad (38) surəsindəki “Gildən bir bəşər yaradacam, düzəldəcəm, sonra da ruhumdan ona üfürəcəm, Ona səcdə edərsiniz” ayələri ilə tanış olduqda İslam dünyamızın müdafiəsində Vətənoğlu qeyrətinin, şücaətinin,Vətənoğlu təəssübünün şahidi olur, şairin ruhu qarşısında baş əyirik.
İnanmışam var eyləyən ahunu dardan xilas,
İsmayılı kəsilməkdən, Xəlili nardan xilas.
Kərəmindən zərrə bizi eylər oddan xilas,
İsmayılı kəsilməkdən, Xəlili nardan xilas.
Kərəmindən zərrə bizi eylər oddan xilas,
Bəhmənəm, bel bağlamışam o ustada, mən kiməm?!
Diqqətlə nəzər saldıqda “Qurani-Kərim”in Həcc surəsinin 8-9-cu ayələrində elə bu şeirin qaynağını, mənbəyini kəşf edirsən: “İnsanlardan eləsi var bir biliyi yox ikən, doğru yolu nişan verən, nurlandıran bir kitabı yox ikən, mübahisə eləyər Allahın barəsində. Təkəbbürlükdür beləsinin qisməti bu dünya həyatında. Qiyamət günündə isə daddırarıq biz ona od əzabını”.
Zalıma rəhm eləsən, lənətə min yol gələsən,
Məzluma zülm eləsən, qanına qəltan olasan...
-misralarının qaynağının Umtəhinə surəsinin (60) 9-cu ayəsində tapırıq: “Din yolunda sizinlə savaşan, sizi yurdunuzdan çıxaran kimsələrlə və didərgin eləyən kimsələrlə dost olmağı sizə yasaq yazmış Allah. Onları özlərinə dost tutanlar zalımlardır ki, var”.
Şair “Yenə də insansiz qalmadı dünya” rədifli şeirində bir tərəfdən dünyanı qana çalxalayanlara, digər tərəfdən milli, etnik, dini münaqişələri qızışdıranlara sərrast cavab verir:Deyirlər Allaha ox atdı Firon,
Göylərdə nə isə qanatdı Firon.
Yerlərdə məhv etdi min-min insanı,
Torpağı bələdi insanın qanı,
Geyindi-kecindi yaşıl donunu,
Saralmaldı dünya, solmadı dünya,
Göylərdə nə isə qanatdı Firon.
Yerlərdə məhv etdi min-min insanı,
Torpağı bələdi insanın qanı,
Geyindi-kecindi yaşıl donunu,
Saralmaldı dünya, solmadı dünya,
Yenə də insansız qalmadı dünya!
“Qurani-Kərim”in dili ilə bu müharibə qızışdırıcılarının cəzasız qalmayacağı fikri ilə tanış oluruq: “Haqq surəsi (69) 9-cu ayədə deyildiyi kimi, “Firon, ondan öncələr və alt-üst olmuş şəhərinin camaatı da günahlara batmışdılar. Çox şiddətli bir əzaba uğratdı onları Allah. Sular coşub-daşan zaman biz idik üzən gəmidə sizi daşıyan”.
Bir rəvayət var ki, Nuhun tufanı
Qopanda sarsıtdı bütün dünyanı.
Dağlar dəryaların altında qaldı,
İsrafil surunu bax onda çaldı.
Bu tufan hökm etdi yüz illər boyu,
Bircə yol pərişan olmadı dünya,
Qopanda sarsıtdı bütün dünyanı.
Dağlar dəryaların altında qaldı,
İsrafil surunu bax onda çaldı.
Bu tufan hökm etdi yüz illər boyu,
Bircə yol pərişan olmadı dünya,
Yenə də insansız qalmadı dünya.
Hud (11) surəsinin 40-cı ayəsində oxuyuruq: “nəhayət, gəlib çatdı əmrimiz, qaynadı sular. Nuha dedik: “Dediyimiz o kimsələr bir yana, öz tayı ilə bərabər yerləşdir gəmiyə hər şeyi. Ailəni və imana gələnləri də mindir gəmiyə”. İmana gələnlərinsə sayı çox az idi. 48-ci ayə “ ey Nuh, sağ-salamat en gəmidən. Xeyir-bərəkət verərik sənə və səninlə olanlardan törəyən ümmətlərə”.
Titrəyib qorxudan əsməsin heç kəs,
Gərək ümidini kəsməsin heç kəs.
Dünya cahangiri beş yox, on olsa,
Yüz min atom olsa, neytron olsa,
Gərək ümidini kəsməsin heç kəs.
Dünya cahangiri beş yox, on olsa,
Yüz min atom olsa, neytron olsa,
İnsanı dünyadan qopara bilməz.
Sənə qida verib min-min neməti,
Yoxsa danirsanmı bu həqiqəti?!
Xəyala dalmısan gözəlliyindən,
Yoxsa danirsanmı bu həqiqəti?!
Xəyala dalmısan gözəlliyindən,
Min ilham almısan gözəlliyindən.
And içmişəm, bundan sonra
Etməyəcəm ah-aman,
Öləndə də gülə-gülə
Etməyəcəm ah-aman,
Öləndə də gülə-gülə
Köçəcəyəm dünyadan....
Ləkəsiz bir vicdan min vara dəyər,
Mülkü-Süleymanın varı bəs hanı?!
Ənam surəsi (6) -nin 2-ci ayəsində bu fikirlər, ilahi, necə də təsvir olunub: “Sizi gildən O Yaratmış. Sonra əcəl təyin etmiş sizə. Bəlli olan əcəlsə Onun dərgahındadır. Siz isə hələ də şübhədəsiniz”.
Biz ona borcluyuq bir canı bütöv,
Fələk öz borcunu kəm ala çətin!
Fələk öz borcunu kəm ala çətin!
Son olaraq, Ramazan ayında Vətənoğlunun İslam dünyasına başlayan səyahətiim payızın (sonbaharın) ilk ayında tamamlandı ki, bu da Vətənoğlunun öz əbədi dünyasına qovuşduğu vaxta təsadüf etdi.
Nağdəli KEŞTƏKLİ,
tibb üzrə fəlsəfə doktoru, AJB-nin üzvü
20.12.2022 12:31:00
Oxuma sayı: 6974