Müstəqil dövlətə sahib olmaq Ulu Tanrının bizlərə töhfəsidir. Müstəqillik təkcə öz ərazisinə, sərvətinə sahib olmaq yox,  hər şeydən öncə azad dil və dinə sahib çıxmaqdır. Bu gün üçrəngli bayrağımızın yaşıl rəngi – İslam rəmzi dini müstəqilliyimizin mühüm əlamətlərindəndir.
Şairin yaradıcılığı ilə tanış olduqca onun İslam dünyasının formalaşmasında Nizami, Füzuli, Aşıq Ələsgər, Aşıq Şəmşir yaradıcılığının izlərini görməmək mümkün deyil.
“Qurani-Kərim”in 31-ci Loğman surəsinin 27-ci ayəsində deyildiyi kimi, “Yer üzərində bitən bütün ağaclar qələmlərə dönsələr, yeddi dəniz də mürəkkəbə, yazılmaqla bitən deyil Allahın kəlamları. Şübhəsiz, güclüdür, müdrikdir Allah”, – Allahın camalının təsvir oluna bilmədiyi halda, hər bir islam şairi azacıq da olsa, öz şeir töhfəsini vermişdir.
Fidanı səhrada bitirən Böyük Yaradanın tərərnnümü:
Vətənoğlu poeziyasında “Allah insanı yer üzünün əşrəfi yaratmışdır” anlamı bir daha gündəmə gəlir:
Bu məqam Mövlana Cəlaləddin Rumi həzrətlərinin “insan var ki, mələklər ona qibtə edir” fikri ilə üst-üstə düşür. “Qurani-Kərim”in Əraf surəsi (7) 1-ci ayəsində “Sizi xəlq elədik, sonra şəklə saldıq, sonra da mələklərə “Adəmə səcdə eləyin söylədik” kimi ifadəsinə Vətənoğlu misraları necə də uyğun gəlir:
İnsanın meymundan əmələ gəlməsi kimi ağlasığmaz ibarələrlə milyonlarla insanın ruhunun əzildiyi, mənliyinin təhqir olunduğu əzazil bir dövrdə Vətənoğlu odsaçan misraları ilə dinimizin müdafiəsinə qalxır:
Bəhmən Vətənoğlu lovğalığın və təkəbbürlülüyün Allah tərəfindən sevilmədiyini bilən şairdir. O, həyatda “İsmayıl peyğəmbəri kəsilməkdən”, “İbrahim peyğəmbəri oddan” xilas edən tək Tanrısına bel bağlayan şairdir:
Bəhmən Vətənoğlu yaradıcılığı boyu zalımlara qarşı çıxan, məzlumların haqqını müdafiə edən, “qələmlə aparılan cihad qılıncdan daha kəsərlidir” prinsipinə sadiq qalan şairdir:
Şair “Yenə də insansiz qalmadı dünya” rədifli şeirində bir tərəfdən dünyanı qana çalxalayanlara, digər tərəfdən milli, etnik, dini münaqişələri qızışdıranlara sərrast cavab verir:
Digər tərəfdən Bəhmən Vətənoğlu bu şeirdə peyğəmbərlər və onların nəsillərinin davam etməsini göstərir:
Bəhmən Vətənoğlu iman gücünə söykənən islam şairidir. Bu gün dünyada öz atomu, neytronu hesabına super güc rolunu oynamaq istəyən, dünyanın düzənini necə deyərlər, “öz xeyirlərinə” pozmağa çalışanlara Vətənoğlu iman gücü ilə cavab verməyi, Allaha sığınaraq, ümidlərin üzülməməsinə çağırır:
Vətənoğlu şükranlıq şairdir. Bu şükranlıq onun yaradıcılığını daim müşayiət edir. Allahın biz bəndələrə verdiyi minlərlə adda ruzini, qidanı, neməti, eləcə də mənəvi zövq  və ilham aldığımızı dilə gətirir:
Quranın Nəhl (16) surəsinin 10-cu ayəsi elə bil öz əksini yuxarıdakı misralarda tapıb: “Odur sizdən ötrü səmadan su endirən. İçdiyiniz bu sudandır. Heyvanlarınızı yemlədiyimiz bitkilər də bu sudan içib bitir. Və bu suyla sizdən ötrü əkin yerləri, zeytunluqlar, xurmalıqlar, üzümlüklər və hər cür meyvə ağacları yetirər. O, sizdən ötrü dənizi də ram eləmiş ki, təptəzə ət (balıq) yeyəsiniz, bəzək-düzək çıxararaq bəzənib-düzənəsiniz. Allahın lütfündən pay diləyin, Ona şükr eləyin”. Vətənoğlu bəlli olan əcəli qəbul edən şairlərdəndir.
Allahın dərgahında olan bəlli əcəli qəbul edən, bu bəlli əcəli təbliğ edən Vətənoğlunun islamımıza xidməti xüsusi qeyd olunmalıdır. Bəlli əcəli qəbul edən mömin müsəlman dünya varından özünü asılı şəklə salmaz:
Bütün bunlara görədir ki, Bəhmən Vətənoğlu ah-aman etməyi özünə sığışdırmır. Mövlana Cəlaləddin Rumi demiş, vaxtı çatanda köçməyi, “yetişmiş meyvə kimi budaqdan qopmağı”  qəbul edir:
Vətənoğlu dünyasını Azərbaycan oxucusuna, dünyaya çatdırmağın hər bir ziyalımızın şərəf işi olacağına inanır, XX əsrin sonu, XXI əsrin əvvəli Azərbaycan ədəbiyyatının inkişafında öz yeri olan  Bəhmən Vətənoğluya Ulu Tanrıdan rəhmət diləyirəm.