Nazirlik xaricdə təhsil almış daha 20 nəfərin diplomunu tanınmadı
Ölçü:


Noyabr ayı üzrə xaricdə təhsil almış və diplomunun tanınması ilə bağlı 230 müraciətçinin 210-u barədə müsbət qərar verilərək müvafiq şəhadətnamələr təqdim edilib, 20 nəfərin müraciəti isə mənfi qərarla yekunlaşıb.

Koordinat.az
xəbər verir ki, bu barədə Təhsildə Keyfiyyət Təmanatı Agentliyindən bildirilib. Qeyd olunub ki, təhsil ölkəsində tələb olunan minimal müddətin ödənilməməsi, həm də tədris dilinin qənaətbəxş olmaması səbəbi ilə 8, tədris yükünü mənimsəmək üçün təhsil aldığı ölkənin ərazisində kifayət qədər olmaması səbəbi ilə 5, dili üzrə bilik səviyyəsinin qənaətbəxş olmaması səbəbi ilə 3, digər səbəblər üzrə 4 nəfərin müraciəti mənfi qərarla yekunlaşıb.

Ölkələr üzrə müraciətlərin sayına nəzər saldıqda Türkiyə Respublikasından 65, Rusiya Federasiyasından 64, Ukraynadan 53, Gürcüstandan 12, Böyük Britaniya və Şimali İrlandiya Krallığından 7, digər ölkələrdən isə 29 müraciətin olduğu müşahidə olunur.

Ən çox müraciət olunan ixtisaslara gəlincə, iqtisadiyyat 28, hüquqşünaslıq üzrə 21, stomatologiya üzrə 15, tibb üzrə 12, biznesin idarə edilməsi üzrə 10 müraciətçi qeydə alınıb.
01.12.2022 18:26:00
Oxuma sayı: 1498