Laçın şəhərinə qayıdış gələn ilin sonunda gerçəkləşəcək
Ölçü:

Prezident İlham Əliyev laçınlıların Laçın şəhərinə ilk qayıdışının vaxtını açıqlayıb.

Koordinat.az xəbər verir ki, dövlət başçısı laçınlıların birinci qrupunun Laçın şəhərinə gələn ilin sonuna qədər qayıda biləcəyini söyləyib: "Şəhərin vaxtilə - 1980-ci illərdə tərtib edilmiş Baş Planı vardır. Bu, indi təhlil edilir, əlavələr olunacaqdır və Laçın şəhərini biz bərpa edəcəyik. Laçınlıların birinci qrupu Laçın şəhərinə gələn ilin sonuna qədər qayıda bilər. Mən buna ümid edirəm və əlimdən gələni edəcəyəm ki, biz buna nail olaq, tezliklə Laçın şəhərini bərpa edək. Biz bütövlükdə Laçın rayonunu və bütün başqa rayonları bərpa edəcəyik. İndi Azərbaycan xalqı görür ki, biz nəyə qadirik. Görür ki, biz müharibədə də qələbə qazanırıq, həyatda da qələbə qazanırıq və bizi güclü edən xalqın iradəsidir, xalqın birliyidir. Müharibədə də Zəfərimiz xalqın birliyi nəticəsində olmuşdur. Bu gün quruculuq-abadlıq işlərini apararkən bizi gücləndirən xalqın iradəsi, dəstəyidir. Bir daha demək istəyirəm, fəxr edirəm ki, Laçın şəhərinin mərkəzində milli bayrağımızı ucaltdım. Bu bayraq burada əbədi dalğalanacaq! Biz burada əbədi yaşayacağıq! Yaşasın Laçın! Yaşasın Azərbaycan!”.
21.09.2022 18:50:00
Oxuma sayı: 197