Lavrov Ermənistan-Azərbaycan sərhədlərinin tanınmasından danışdı: "Çətin olacaq"
Ölçü:

“Biz Ermənistan-Azərbaycan sərhədinin delimitasiyasına tezliklə başlanmasının tərəfdarıyıq. Bu, Qarabağ bölgəsi və məskunlaşma məsələlərinə aid deyil, bu, sırf ikitərəfli məsələdir. Biz 1 ilə yaxındır ki, onun üzərində işləməyə başlamağı, bunun üçün delimitasiya və demarkasiya komissiyası yaratmağı və özümüzü məsləhətçi kimi təklif edirik".

Koordinat.az xəbər verir ki, bunu Rusiyanın xarici işlər naziri Sergey Lavrov deyib. O, qeyd edib ki, bu komissiya Rusiya Federasiyasının Baş Qərargahında və digər strukturlarda Sovet İttifaqının formalaşmasının müxtəlif mərhələlərini və onun inzibati sərhədlərində və ittifaq respublikaları arasında sərhədlərdə dəyişiklikləri əks etdirən xəritələrin olduğunu nəzərə alacaq: "Dünən mən erməni həmkarımla bu mövzuda danışdım. Tərəflərdən müvafiq təkliflər var, çünki komissiya yaratmaq üçün ilk növbədə hansısa şərtlərlə razılaşmaq lazımdır. Hazırda bu şərtlər müzakirə olunur. Orada uyğunsuzluqlar var. Bizim mövqeyimiz sadədir - biz oturub rəsmi yaradılmış komissiya çərçivəsində hələ razılaşdırılmamış bütün məsələləri həll etməliyik”.

Lavrov bildirib ki, Rusiya, Ermənistan və Azərbaycan liderlərinin Soçi görüşündə (2021-ci ilin dekabrında) prinsipial razılıq əldə olunub: “Hətta mətbuatla ünsiyyət zamanı komissiyanın 2021-ci ilin sonuna qədər yaradılacağına ümid ifadə olundu. Amma yenə də həyat daha çətindir, Ermənistan tərəfinin yeni təklifləri var, biz onları Bakıya çatdırırıq. Gəlin bunu (komissiya) mümkün qədər erkən yaratmağa çalışaq. Amma yenə onu işə salmaq üçün nə etmək lazım olduğuna dair fikir ayrılıqları var. Çətin olacaq. Bu mövzunun müzakirəsi zamanı biz əmin olduq ki, bu komissiyanın yaradılması optimal olardı, o cümlədən onun gündəliyindəki prioritet kimi həll edilməli olan məsələlər”.
14.01.2022 14:36:00
Oxuma sayı: 3819