Eldar Həsənov binaların alınmasında dövlət vəsaitinin mənimsənilməsi barədə iddialara dair mühüm bir arqumenti də dilə gətirib: "Elə hallar olurdu ki, əmlak sahibi pulun bir hissəsini nağd şəkildə almaq istəyirdi. Belqradda alınan binanın sahibi də ifadəsində etiraf edib ki, vergini çox ödəməmək üçün pulun bir hissəsini nağd alıb. Monteneqrodakı binanın sahibi iki qardaş olub. Onlardan biri pulu nağd istəyib, digəri isə bank hesabına köçürülməsini tələb edib. Çox mötəbər şəxsin köməkçisi ilə əlaqə saxlayıb, məlumat verdim ki, belə bir problem var. Onlar problemi özləri həll elədilər. Qardaşın birinə pulu nağd ödədilər, o birinə köçürmə yolu ilə. Obyekt sahibi ifadəsində bildirib ki, binanı 3 milyona istədilər, vermədim. Bina 4 milyona alınıb. Əgər adam öz diliylə deyirsə ki, 3 milyona verməmişəm, müstəntiq 4 milyondan 1.4 milyon yeyintini necə çıxarıb? 24 il hüquq-mühafizə orqanlarında müxtəlif vəzifələrdə işləmişəm, amma bu işdəki qədər saxtakarlığa rast gəlməmişəm…”