Pxençxan-2018: Azərbaycan idmançıları paraddan 4 nəfərlə keçdi
Ölçü:



Pxençxanda keçirilən XXIII Qış Olimpiya Oyunlarının rəsmi açılış mərasiminə start verilib.

Koordinat.az
xəbər verir ki, Bakı vaxtı ilə saat 15:00-da start götürən mərasimdə artıq Azərbaycan millisi paraddan keçib.
 
Bayrağımızı yeganə təmsilçimiz Patrik Braxner daşıdığı halda, yığmamızın şef-de-missionu Anar Bağırov, Gənclər və İdman Nazirliyinin idman müdiri Fərid Mansurov, Azərbaycan Dağ Xizəkçiliyi Federasiyasın prezidenti Rauf Xəlilov onu müşayiət ediblər.
 
Açılış mərasiminə gəlincə, tədbir ağ pələng Suxoranqın səhnəyə çıxması ilə başlayıb. Ardınca talismanın adı ilə ona 5 uşaq qoşulub. Bundan sonra Cənubi Koreyanın bayrağına həsr olunan şou nümayiş edilib və ölkənin himni səslənib.
 
Dövlət simvollarının nümayişindən sonra idmançıların paradı başlayıb. Ənənəvi olaraq, Yunanıstan azarkeşlər qarşısından birinci keçib.
 
Maraqlıdı ki, paraddan sonuncu olaraq 2 komanda - Cənubi Koreya və KXDR bir bayraq altında keçib. Onlar əvvəlcədən razılaşdırıldığı kimi, Koreya adı altında birləşiblər.
 
09.02.2018 17:30:00
Oxuma sayı: 642