Külli miqdarda pulu İrana keçirmək istəyən şəxs gömrükdə tutuldu
Ölçü:


Astara Gömrük İdarəsinin əməkdaşları külli miqdarda xarici valyutanın qanunsuz yolla ölkə ərazisindən çıxarılmasına cəhdin qarşısını alıblar.

Dövlət Gömrük Komitəsinin mətbuat xidmətindən Koordinat.az-a verilən məlumata görə, İdarənin Sərnişin şöbəsində Azərbaycandan İrana piyada yolla getmək istəyən Azərbaycan vətəndaşının hərəkətləri şübhə doğurduğu üçün saxlanılıb və üzərində şəxsi yoxlama aparılıb. Yoxlama zamanı, vətəndaşın üzərində əvvəlcədən gömrük nəzarətinə yazılı, şifahi və ya elektron formada bəyan edilməyən 14,8 min dollar aşkar olunub.
 
Faktla bağlı araşdırma aparılır. 
08.12.2017 11:00:08
Oxuma sayı: 880