Ermənistan parlamentində “Şərəfim var” fraksiyasının rəhbəri Hayk Mamicanyan isə “Gizli məlumatları ilk dəfə açıqlayıram” anonsu ilə Ermənistanın daha çətin duruma düşdüyünə işarə edib. O, Bakı-İrəvan sülh sazişi ilə bağlı məlumatlar yeni əldə etdiyini deyib və bildirib ki, Rusiya ilə münasibətləri pozan rəsmi İrəvan onun üçün taleyüklü məsələlərin həllində Avropa ölkələrinin heç birindən yetərli qədər dəstək ala bilməyəcək: “Müqavilədə sərhədlərin demarkasiyası haqqında heç bir müddəa olmayacaq. Həmçinin Bakıdakı erməni məhbusların qaytarılması (separatçıları nəzərdə tutur), o cümlədən, Azərbaycan qoşunlarının sərhəddən çıxarılmasına dair heç nə yoxdur. Nəqliyyat qovşaqları da tamamilə Azərbaycanın xeyrinə həll ediləcək".