Cəbrayılda təntənəli açılış olacaq
Ölçü:


Cəbrayıl rayonunun İranla sərhədində yerləşən “Qız Qalası” hidroqovşağı yaxın vaxtlarda istismara veriləcək.

Koordinat.az xəbər verir ki, bunu İranın Şərqi Azərbaycan Regional Su Şirkətinin icraçı direktoru Yusif Qaffarzadə deyib. Onun sözlərinə görə, mühüm layihə olan su elektrik stansiyasının (SES) tikintisi üzrə işlər yekunlaşıb və yaxın günlərdə onun təntənəli açılış mərasimi keçiriləcək.

Yusif Qaffarzadə bildirib ki, “Qız Qalası” SES-in istismarı suvarma və kənd təsərrüfatının sürətli inkişafı ilə yanaşı, regionun iqtisadi inkişafına, kənd təsərrüfatı məhsullarının keyfiyyətinin yüksəldilməsinə və turizmin inkişafına gətirib çıxaracaq.

Layihə iki su elektrik kompleksinin və quraşdırılmış gücü 100 MVt olan “Xudafərin” və 40 MVt gücündə “Qız Qalası” su elektrik stansiyalarının tikintisini nəzərdə tutur. Bu layihənin həyata keçirilməsi təkcə Azərbaycana ildə 358 milyon kVt/saat elektrik enerjisi istehsal etməyə, 252 min hektar mövcud sahənin suvarılmasını yaxşılaşdırmağa və 12 min hektar yeni əkin sahəsinin suvarılmasını təmin etməyə imkan verəcək.

Ümumi gücü 1,6 milyard kubmetrdən çox olan bu su elektrik kompleksləri və elektrik stansiyaları Azərbaycan və İrana sərhəd Araz çayının su və enerji ehtiyatlarından birgə istifadə etməyə imkan verəcək.

Xatırladaq ki, Cəbrayıl rayonu ərazisində Araz çayı üzərində “Xudafərin” və “Qız Qalası” su elektrik stansiyalarının və su elektrik stansiyalarının tikintisinin davam etdirilməsinə dair  Azərbaycan-İran sazişi Prezidenti İlham Əliyev tərəfindən 2016-cı ilin iyulundani təsdiqlənib.
08.05.2024 16:13:00
Oxuma sayı: 915