Günaz.TV-nin qurucusu və rəhbərinə qarşı sui-qəsdin arxasında İran dayanır
Ölçü:


Azərbaycan Milli İstiqlal Partiyası Güney Azərbaycan Televiziyasının (Günaz.TV) rəhbəri Əhməd Obalı və oğlu Dəniz Obalının hücuma məruz qalması ilə bağlı bəyanat yayıb.

Koordinat.az.az xəbər verir ki, bəyanatda deyilir: "Azərbaycan Milli İstiqlal Partiyası olaraq Güney Azərbaycan Televiziyasının (Günaz.TV) qurucusu və rəhbəri, Amerikada mühacir həyatı yaşayan güneyli milli fəal Əhməd Obalı və oğlu Dəniz Obalının ABŞ-da vəhşicəsinə döyülməsini birmənalı olaraq terror aktı kimi qiymətləndirir və bunu şiddətlə qınayırıq.

Bütün ömrünü Güney Azərbaycanın haqq səsini dünyaya çatdırmağa həsr edən Əhməd bəyə qarşı bu sui-qəsdin arxasında İran xüsusi xidmət orqanlarının dayanması ehtimalı kifayət qədər yüksəkdir. Bu terror aktının icraçıları ilə yanaşı sifarişçilərinin də tezliklə müəyyənləşdirilərək saxlanılacağına inamımızı ifadə edərək Əhməd bəyə və oğluna şəfa diləyir, Güney Azərbaycanın istiqlalı uğrunda mübarizədə hər kəsi bir yumruq kimi birləşməyə çağırırıq."
22.05.2023 15:08:00
Oxuma sayı: 1438