Vergilər Nazirliyi daha 7 xidməti elektronlaşdırdı
Ölçü:


 “Elektron hökumət” portalına daha 7 yeni elektron xidmət inteqrasiya edilib. Belə ki, Vergilər Nazirliyi tərəfindən aşağıda adıçəkilən elektron xidmətlər portalda vətəndaşların istifadəsinə verilib.

•           Bəyannamələrin vergi orqanları tərəfindən hazırlanması və təsdiq edilmək üçün vergi ödəyicilərinə göndərilməsi
•           Çağrı Mərkəzi vasitəsilə “Sadələşdirilmiş verginin bəyannaməsi”nin təqdim edilməsi
•           Gəlir və ya mənfəət vergisinin hesabatının verilməsi müddətinin uzadılması barədə ərizələrin qəbulu
•           Fiziki şəxsin vergi uçotundan çıxarılması
•           Asan imza istifadəçi İD-sinin dəyişdirilməsi
•           Vergi bəyannamələrinin (sadələşdirilmiş vergi bəyannaməsi istisna olmaqla), hesabat və vergi öhdəliyinin yaranmaması haqqında arayışların vergi orqanına onlayn təqdim edilməsi
•           Hazır sənəd barədə məlumatın verilməsi

Eyni zamanda, istifadəçi rahatlığını təmin etmək məqsədilə nazirliyin “Elektron hökumət” portalında mövcud olan “Şəxsin imza səlahiyyətləri haqqında məlumat” adlı xidməti çıxarılıb.

Beləliklə, Nəqliyyat, Rabitə və Yüksək Texnologiyalar Nazirliyi Məlumat Hesablama Mərkəzinin operatoru olduğu “Elektron hökumət” portalı üzərindən Vergilər Nazirliyinin təqdim etdiyi elektron xidmətlərinin sayı 65-ə çatıb. Portal üzərindən istifadəçilərə təqdim edilən elektron xidmətlərin ümumi sayı isə 439 olub.

Qeyd edək ki, qurumun təqdim etdiyi xidmətlərdən istifadə etmək üçün “Elektron hökumət” portalında qeydiyyatdan keçmək lazımdır.

03.09.2018 09:52:00
Oxuma sayı: 1029