Qarabağ erməniləri Köçəryanı həbsdən qurtarmağa çalışır – Təhlil
Ölçü:


Qondarma Dağlıq Qarabağ Respublikası Milli Məclisinin bir qrup deputatı avqustun 7-də Artsaxın birinci prezidenti və Ermənistanın ikinci prezidenti Robert Köçəryanın həbs qətimkan tədbirini azadlıqdan məhrum etməylə bağlı olmayan tədbirlə əvəzləmək haqda Ermənistan baş prokuroruna ərizə göndərib. Dağlıq Qarabağ Milli Məclisi mətbuat katibi Anuş Havalyan öz Facebook səhifəsində yazıb ki, xahiş Robert Köçəryanın Ermənistan və Artsaxın dövlət quruculuğunda xidmətlərini nəzərə almaqla göndərilib.

Bu ərizə Robert Köçəryanın qondarma "DQR"in birinci prezidenti olduğu şəraitdən asılı olmayaraq hüquqi baxımdan, cəfəngiyyat deməsək də, zəifdir. Bəlkə də, bir nəfərin xatirinə Dağlıq Qarabağın dövlət institutlarının ciddiliyini şübhə altına qoymağına dəyməz: başqa ölkə deputatlarının hətta dost dövlətin daxili işlərinə qarışması kimi ümumdünya praktikası yoxdur. Qondarma rejimin deputatları siyasi mərifət sahibi olmalı və bu cür müdaxilədən çəkinməliydilər – xüsusən də yayın başlanğıcında DQR-də siyasi böhran qeydə alındığı günlərdə Ermənistan hökuməti və şəxsən Nikol Paşinyan duruma birbaşa qarışmağı özlərinə rəva bilməyib, "DQR"də siyasi gərginliyin boşalması və cəmiyyətin konsolidasiyasına şərait yaradan addımlar atıblar.

İndiki halda problemin nəzərə çarpacaq siyasi konteksti var və sadəcə, yolverilməzdir ki, Dağlıq Qarabağ hakimiyyəti yaxud ayrı-ayrı qanadları Ermənistandakı siyasi qarşıdurmada tərəf olsunlar. Bu, qəfil nəticələr törədə bilər. Təhqiqatı həyata keçirən XİX (xüsusi istintaq xidməti-red.) rəisi Sasun Xaçatryan son günlərdə, ən azı, iki dəfə bildirib ki, Robert Köçəryanın həbs qətimkan tədbirinin dəyişdirilməsi cinayətin açılmasına əsaslı mane ola bilər. Qondarma rejimin deputatlarının bu cür hüquqi izahatlardan sonra müdaxiləsi nəzərə çarpacaq siyasi-gizli mənaya malikdir: DQR parlamenti faktiki olaraq Ermənistan ədalət məhkəməsinə meydan oxuyur, qeyzlənmiş Ermənistanın  əks-inqilab düşərgəsində mövqe tutur. Qondarma rejimin parlamenti bu müdaxiləylə 1 Marta görə məsuliyyəti istər-istəməz öz üzərinə götürür ki, bu da müxtəlif söz-söhbətlərin təzələnməsi üçün bəhanəyə çevriləcək. Xüsusən də DQR hakimiyyətinin, yumşaq deyilsə, qanlı 1 Mart hadisələrində işıtirak etdiyi haqda versiya fəal şişirdildiyi üçün.

Qondarma rejimin deputatlarınmı bu günki müdaxiləsi Ermənistan hökumətinə düşmən münasibətidir ki, bu da iki erməni dövləti arasındakı münasibətlərdə anlaşılmazlıq törədə bilər. Problemin gizli siyasi mənası da var: Robert Köçəryanın həbsi məsələsində Ermənistan cəmiyyətinin birləşmiş mövqeyi var. Qondarma "respublika"da bir daha “erməni-qarabağlı” ayrı-seçkiliyinə lüzumsuz şəkildə yol vermədən Ermənistan cəmiyyətinin əhvali-ruhiyyəsinə sayğı bəsləməyə borcludurlar.

Robert Köçəryanın idarəçiliyinin mənfi nəticələrindən biri məhz millətdaxili birliyin pozulması olub. Onun bu məsələsilə bağlı azğın spekulyasiyası buna səbəb olub ki, erməniçiliyin hər iki seqmentindəki münasibətlərdə müəyyən gərginlik yaranıb.

Xoşbəxtlikdən, məxməri inqilab bu böhranı aradan qaldıraraq ümumdünya erməniçiliyini, birinci növbədə Ermənistan və "DQR"in cəmiyyətlərini birləşdirib.

Heç şübhəsiz, Dağlıq Qarabağ hakimiyyəti bu günlərdə Köçəryan komandasının total basqısı altındadır, ya da 1 Mart hadisələrinə görə öz məsuliyyət payı var. Qarabağ parlamentinin Ermənistanda birmənalı mənfi reaksiyaya layiq görüləcək təşəbbüsünü özgə cür izah etmək mümkün deyil.

Sərkis Artsruni (1-in am)
Tərcümə Strateq.az-ındır. 

08.08.2018 14:12:00
Oxuma sayı: 461