“Hörmətli Tramp, İran hökumətində təmsil olunan məsul şəxslərin “Yaşıl karta” sahib olan yaxınlarının adlarını və ABŞ-dakı bank hesablarının siyahısını açıqlayın”.

Koordinat.az “Anadolu”ya istinadən xəbər verir ki, bunu İranın keçmiş prezidenti Mahmud Əhmədinejad “Twitter” səhifəsində yazıb. Keçmiş prezident bir müddət əvvəl Sadiq Laricaninin sədri olduğu İran Məhkəmə Hakimiyyətinin korrpusiya ilə məşğul olduğunu bildirmişdi.

Bu il iyulun 31-də isə Mahmud Əhmədinejad və yaxın ətrafı İrandakı mövcud vəziyyətə etiraz etmək üçün Daxili İşlər Nazirliyindən icazə ilə bağlı müraciət edib. İndiyədək onun müraciətinə cavab verilməyib.