Mədəniyyət Nazirliyi də müəllimlərin müsabiqə ilə işə qəbul edəcək
Ölçü:


Uşaq musiqi, incəsənət və rəssamlıq məktəblərinə işə qəbul üzrə növbəti müsabiqə keçiriləcək.

Bu barədə Koordinat.az-a Mədəniyyət Nazirliyinin mətbuat xidmətindən məlumat verilib.Nazirlik sistemindəki uşaq musiqi, incəsənət, rəssamlıq məktəb və mərkəzlərində təhsilin keyfiyyətinin yüksəldilməsini, bilikli və bacarıqlı ixtisaslı kadrların bərabərhüquqlu, şəffaf və sağlam rəqabət şəraitində seçilib yerləşdirilməsini, kadrlara olan tələb-təklif prinsiplərinin gözlənilməsini təmin etmək məqsədilə məktəblərə pedaqoji kadrların işə qəbulu vakant yerlər əsasında müsabiqə yolu ilə aparılır.

Respublikanın uşaq musiqi, incəsənət, rəssamlıq məktəb və mərkəzlərinə pedaqoji kadrların işə qəbulu üzrə V müsabiqənin qaydaları, mövcud vakansiyalar və digər məlumatlar 2018-ci ilin 15 avqust tarixində nazirliyin rəsmi internet saytının (www.mct.gov.az) və Uşaq musiqi və incəsənət məktəblərinin tədris portalının (www.music.mctgov.az) “Elanlar” bölməsində yerləşdiriləcək.
30.07.2018 15:42:00
Oxuma sayı: 1087