Gürcüstanın keçmiş baş nazir istintaqa çağrıldı
Ölçü:


Gürcüstan yeni siyasi qalmaqalla üz-üzədir. Ölkənin sabiq baş naziri və bir neçə digər vəzifəli şəxsin adı korrupsiya qalmaqalında hallanır. Faktla əlaqədar Gürcüstanın sabiq baş naziri Georgi Kvirikaşvili ölkənin Baş prokurorluğunda ifadə verəcək.

Koordinat.az xəbər verir ki, bu barədə jurnalistlərə Gürcüstan baş prokurorunun birinci müavini Mamuka Vasadze bildirib. O deyib ki, buna səbəb ölkənin iqtisadiyyat və davamlı inkişaf, eləcə də regional inkişaf nazirliklərində vəzifə səlahiyyətlərini aşmaq və külli miqdarda pul vəsaitinin mənimsənilməsi faktlarının aşkarlanması olub.

M.Vasadzenin sözlərinə görə, ifadəsinin alınması vacib olan bütün vəzifəli şəxslər baş prokurorluğa çağırılacaqlar.

O, həmçinin deyib ki, sabiq iqtisadiyyat və davamlı inkişaf naziri Dmitri Kumsişvili və keçmiş regional inkişaf naziri Zurab Alavidze artıq baş prokurorluqda ifadə veriblər. Amma zərurət yaransa onların ifadəsi yenidən alına bilər/Report.
26.07.2018 11:04:00
Oxuma sayı: 466