ŞOK: "Keşlə"nin iki futbolçusu həbs olunub - danışılmış oyunlarda şübhəli bilinirlər
Koordinat.az xəbər verir ki, bu barədə “Report” klubun prezidenti Zaur Axundova istinadən məlumat yayıb. Axundov bildirib ki, Nizami Hacıyev və Mirhüseyn Seyidov danışılmış oyunlarda şübhəli bilindikləri üçün saxlanılıblar. Onun sözlərinə görə, belə bir tədbir Azərbaycan Respublikası Cinayət Məcəlləsinə edilən dəyişikliklərə uyğun olaraq görülüb: “Hər ikisi hüquq-mühafizə orqanları tərəfindən saxlanılıblar. Hadisə barədə dünən axşam xəbər tutmuşuq. Onların harada saxlanıldıqlarını bilmirik. Əlavə məlumat olan kimi mətbuata bildirəcəyik. Biz tərəfdən hüquq-mühafizə orqanlarına heç bir müraciət olunmayıb. Bu, sırf hüquq-mühafizə orqanlarının tədbridir. Günahları sübuta yetirilsə, cəzalanacaqlar. Günahsız olsalar, futbolçu karyeralarını davam etdirəcəklər. Bu məsələ təsdiqini tapsa, Azərbaycan futbolu üçün böyük ləkə olacaq”.
Qeyd edək ki, Nizami Hacıyevlə Mirhüseyn Seyidovun saxlanılmaları xəbərini ilk dəfə futbolinfo.az saytı yazıb.
30.11.2017 10:43:00
Oxuma sayı: 500