Polis rəisi azyaşlı uşağı oğurluqdan neçə çəkindirdi? - ibrətamiz hərəkət
Ölçü:



Azərbaycanda polis rəisi onun xidməti ərazisində oğurluq edən azyaşlı uşağı bu pis vərdişdən çəkindirmək məqsədilə çoxları üçün nümunə sayıla biləcək tərbiyə metodundan istifadə edib. Əvvəlcə uşağın hansı səbəbdən oğurluq etdiyini müəyyənləşdirən polis rəisi oğurluğun uşaqda vərdiş deyil, ehtiyacdan yarandığını öyrənib. Bundan sonra hər ay həmin uşağa öz cibindən 200 manat verən polis rəisi həm onun xərclərini üzərinə götürüb, həm də cinayətə gedən yolunu bağlayıb tərbiyəyə istiqamətləndirib.

Koordinat.az xəbər verir ki, bu ibrətamiz hadisə bir neçə il əvvəl Qubada baş verib. "Facebook" vasitəsilə yayılan məlumatda bildirilir ki, hazırda Abşeron rayon Polis İdarəsinin rəisi olan Şəhriyar Şəmşirli bir neçə il əvvəl - Quba rayon Polis İdarəsinin rəisi işlədiyi zaman gecə saatlarında təcili işlə əlaqədar Polis İdarəsinə qayıdarkən polis əməkdaşlarının kooridorda bir azyaşlı uşağı tənbeh etdiklərini görüb. Dərhal bunun səbəbini öyrənən polis rəisi uşağı öz kabinetinə çağırır və sorğu-suala tutur. Məlum olub ki, uşaq rayondakı apteklərin birindən dərman istəyib və əczaçı ona dərmanı verən kimi ödəniş etmədən qaçıb. Bu hal eyni aptekdə iki dəfə baş verdiyindən aptek sahibi uşaq barədə polisə şikayət edib. Polis rəisi uşaqdan niyə oğurluq etdiyini soruşduqda uşaq "Anam ağır xəstədir, yoxsa oğurluq etməzdim" deyib. Dərhal rəis yanına müstəntiqi çağıraraq göstəriş verib ki, oğurluq edən uşağın anasının xəstə olub-olmadığını müəyyən etmək üçün onların evinə getsinlər. Dərhal tapşırığı icra edən polis əməkdaşı oğurluq edən evdən qayıdaraq bildiriblər ki, həqiqətən aptekdən oğurluq edən uşağın anası ağır xəstədir və ona görə çarəsizlikdən anasının sağalması üçün oğurluq edib. Bunu eşidən polis rəisi Şəhriyar Şəmşirli xəstə anasına dərman almaq üçün öz cibindən uşağa 200 manat verib və onu azad edib. Üstəlik hər ay öz maaşından həmin uşağa 200 manat verəcəyini də söyləyib.

Məlumatda o da bildirilir ki, Şəhriyar Şəmşirli hazırda Qubada deyil, Abşeron rayonunda işləsməsinə baxmayaraq, uşağın xəstə anasının dərman xərclərinin ödənilməsi məqsədilə həmin ailəyə ayda 200 manat ödəyir.
20.05.2016 13:33:22
Oxuma sayı: 28316