“Alimlər şəhərciyi”ndən mənzil almaq üçün...
Ölçü:


Abşeron rayonu, Saray qəsəbəsində elm və təhsil işçiləri üçün tikilən “Alimlər şəhərciyi”ndə ev sahibi olmaq istəyənlərə müraciət üçün yeni imkan yaradılıb.

Koordinat.az xəbər verir ki, bu barədə Azərbaycan Milli Elmlər Akademiyasından "Trend"ə bildiriblər. Məlumata görə, “Alimlər şəhərciyi”nə www.sciencecity.az – saytı vasitəsi ilə elektron müraciət etmək olar. “Smart City – Ağıllı Şəhər” tikinti-inşaat prinsiplərinə riayət olunacaq 1, 2 və 3 otaqlı mənzillərdən ibarət binalarda memarlıq-inşaat sektorunda mövcud olan ən son texnoloji yeniliklər tətbiq ediləcək.

Yaşayış kompleksinin məsafədən idarə olunan mərkəzləşdirilmiş kommunal xidmətlər infrastrukturu, tullantıların ekoloji təmiz idarə edilməsi, işıqlandırılmada alternativ enerji mənbələrindən istifadəsi, şəhərciyin müasir təhlükəsizlik sistemləri ilə təchiz olunması nəzərdə tutulur.
 
12.07.2018 18:07:07
Oxuma sayı: 289