Elektron "Əmək müqaviləsi bildirişləri"ndən 5 232 218 dəfə istifadə edilib
Ölçü:

 

Əmək və Əhalinin Sosial Müdafiəsi Nazirliyinin əmək müqaviləsi bildirişləri üzrə elektron informasiya sistemi işəgötürənlər və işçilər arasında əmək münasibətlərinin hüquqi əsaslarını özündə əhatə edir. Sosial-iqtisadi münasibətlər sisteminin vacib elementi kimi formalaşmış bu sistemdən istifadə statistikası bu ilin aprel ayında əvvəlki mart ayı ilə müqayisədə 15 faiz artaraq 198 392-yə çatıb.

Nazirliyin İctimaiyyətlə əlaqələr şöbəsindən Koordinat.az-a verilən məlumata görə, onlardan 185 006-sını “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidmətinə müraciətlər təşkil edib. Bağlanan hər bir əmək müqaviləsi, müqaviləyə dəyişiklik edilməsi, yaxud xitam verilməsi müvafiq bildiriş formasında “Elektron Hökumət” portalındakı (www.e-gov.az) bu e-xidmət vasitəsilə elektron qeydiyyatdan keçirilərək rəsmiləşdirilir. Sistemdən istifadə hallarının 13386-sı isə “Əmək müqaviləsi bildirişləri barədə məlumatların işçilər tərəfindən əldə edilməsi” e-xidmətinə yönəlib. Hər bir işçi “E- Hökumət” portalına daxil olaraq, həmin e-xidməti seçməklə onunla bağlanmış əmək müqaviləsi bildirişi barədə real vaxt rejimində məlumat əldə etmək imkanına malikdir. 

2014-cü ilin iyulun 1-dən tətbiq olunan əmək müqaviləsi bildirişləri üzrə elektron informasiya sistemindən cari ilin 01 may tarixinədək 5 232 218 dəfə istifadə edilib.

04.05.2016 15:04:57
Oxuma sayı: 1047