Paşinyan vədini yerinə yetirdi - problemli kreditlərlə bağlı cərimə və faizlər silindi
Ölçü:


Ermənistanın baş naziri Nikol Paşinyan əhalinin bank borclarının həlli ilə bağlı addım atıb.

Koordinat.az
xəbər verir ki, bu barədə Paşinyan özünün Facebook səhifəsində istifadəçilərin suallarına cavab verərkən deyib. O qeyd edib ki, artıq kecikdirilmiş kreditlərin üzərindən cərimlərin və faizlərin silinməsi ilə bağlı qərar var.   

Paşinyanın  sözlərinə görə, problemli kreditlərlə bağlı hökumət artıq qərar qəbul edib: “Əgər vətəndaş, məsələn, 1 milyon dram kredit götürüb və onu hansısa səbəblərdən ödəyə bilmir, nəticədə faizlərin hesablanması ilə bu məbləğ 3 milyona çatıb. Bizim artıq banklarla razılaşmamız var ki, cərimələr və faizlər silinəcək.  Nəticədə bankın kredit götürmüş müştəri ilə münasibətləri sıfır səviyyəsinə qayıdacaq. Bundan sonra kredit tarixçəsinin təmizlənməsi prosesinə başlayacağıq. Birinci mərhələdə az borcu olanların kredtilərinin təmizlənməsinə başlanacaq. Sonra bu dairə genişləndiriləcək”.

Xatırladaq ki, Paşinyan Ermənistandakı son hadisələr zamanı onu dəstəkləmək üçün meydanlara çıxan kütlə qarşısında problemli kreditlərlə bağlı yaranmış borcların silinəcəyini vəd etmişdi.
13.06.2018 13:19:33
Oxuma sayı: 1427