Azərbaycan əsgəri belə iflic oldu – VİDEO
Ölçü:



Masallı rayonunun Güllütəpə kənd sakini Əfqan İlqar oğlu Tarverdiyev 2004-cü ildə həqiqi hərbi xidmət zamanı qızılca xəstəliyinə tutulub. Cəmi 12 günün əsgəri hərbi hospitalda müalicə olunan zaman həkim səhlənkarlığı nəticəsində beyin sətəlcəmi keçirərək sağalmaz bəlaya düçar olub.

Koordinat.az-ın məlumatına görə, sosial şəbəkələrdə yayılan videodan da görünür ki, hazırda iflic vəziyyətində olan keçmiş əsgərin sağlıq durumu olduqca ağırdır. Baxmayaraq ki, 6 ay hərbi hospitalda müalicə alan Əfqan həmin vaxtdan müalicəsini davam etdirir. Ancaq maddi sıxıntılar içərisində yaşayan ailəsinin onun müalicəsinə sərf etdikləri müsbət nəticə vermir. Uzun müddət davam edən müalicəyə Əfqanın ailəsi külli miqdarda vəsaitin xərcləməli, hətta ev əşyalarını da satmalı olub. Təəssüf ki, bütün bunlar lazımı effekt verməyib və, Əfqan Tarverdiyevin beyin sistemi tamamilə çöküb.

Bununla belə, sağlamlığını vətənə xidmətdə itirmiş keçmiş əsgərin tam şəkildə müalicəsi mümkündür və bunu xaricdə həyata keçirmək olar.Bu isə müvafiq dövlət orqanlarının və imkanlı şəxslərin məsələyə necə münasibət göstəməsindən asılıdır.
24.07.2015 16:27:30
Oxuma sayı: 1636