Almaniya 857 azərbaycanlının sığınacaq istəyini rədd edib – 1564 nəfərin müraciətinə baxılıb
Ölçü:


Almaniyanın Miqrasiya və Qaçqınlar üzrə Federal İdarəsinin (BAMF) məlumatına görə 2018-ci ilin yanvarının 1-dən aprelin 30-dək Azərbaycan Respublikasının vətəndaşı kimi qaçqın statusu almaq üçün müraciət edən 1564 nəfərin müraciətinə baxılaraq müvafiq qərar qəbul edilib.

Koordinat.az xəbər verir ki, bu barədə AzEuroNews.com-a “Legat” inteqrasiya mərkəzindən məlumat daxil olub. Məlumatda deyilir ki, onlardan 857 nəfərin müraciətinə rədd cavabı verilib. 121 nəfər haqqında müsbət qərar qəbul edilib. Onlardan 7 nəfərinə 16-cı paraqrafa əsasən ailə birləşməsi ilə yaşamaq üşçün icazə verilib, 61 nəfərin sığınacaq hüququ tanınıb, 17 nəfərin 41-ci paraqrafa əsasən köməkci müdafiə hüququ tanınıb, 36 nəfərə dözümlü yanaşılıb və ölkədən çıxarılması mümkünsüz hesab edilib. 586 nəfər haqqında isə digər prosedurlara uyğun qərar qəbul edilib. Bunlar da əsasən Dublin sazişinə uyğun qəbul edilən qərarlarlar olublar.
29.05.2018 16:32:00
Oxuma sayı: 379