Qaydaları pozan abituriyentlərə sərt cəza: yay imtahanlarına buraxılmayacaqlar!
Koordinat.az xəbər verir ki, bunu Dövlət İmtahan Mərkəzinin sədri Məleykə Abbaszadə deyib. O, abituriyentləri nizam-intizam qaydalarına əməl etməyə çağırıb.
“Təəssüf ki, abituriyentlər arasında imtahanlara məsuliyyətsiz yanaşanlar var. Nizam-intizama riayət etmək lazımdır. Bunlar vacib məsələlərdir”.
Qeyd edək ki, həm 13 may, həm də 20 may tarixində keçirlmiş qəbul imtahanlarında xəbərdarlıq edildiyinə baxmayaraq, bəzi abituriyentlər imtahana köməkçi vasitələr, o cümlədən mobil telefon gətirmiş, imtahanın gedişi zamanı köçürməyə cəhd etmiş, imtahan qaydalarına zidd hərəkətlərə yol vermişdilər. Həmin abituriyentlər imtahandan xaric olunmuş və nəticələri ləğv edilmişdi.
22.05.2018 16:41:00
Oxuma sayı: 753