Şəhid Təbriz Musazadənin həyat və döyüş yolu gənclərə örnəkdir
Ölçü:


“Rəvan” Gəncliyə Dəstək İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “Şəhid Təbriz Musazadənin həyat və döyüş yolu barədə məlumatlandırma tədbirinin keçirilməsi” layihəsinin icrasına başlayıb.
 
Koordinat.az xəbər verir ki, layihənin məqsədi Azərbaycan Respublikasının Prezidenti, Ali Baş Komandan İlham Əliyevin  Azərbaycan dövlətçiliyinin müdafiəsi və torpaqlarımızın azad edilməsi istiqamətində birmənalı və qətiyyətli fəaliyyətini təbliğ etmək, orta məktəb şagirdlərinin mayor Təbriz Musazadə kimi yaşaması və Vətəninə və xalqına bağlı gənclər kimi yetişməsinə töhfə verməkdir.
 
Üç ay ərzində icra olunacaq layihə çərçivəsində Yevlax rayonunda orta məktəblərdə keçiriləcək tədbirlərdə şagirdlərə Azərbaycan Respublikasının Prezidenti, Ali Baş Komandan İlham Əliyevin  Azərbaycan dövlətçiliyinin müdafiəsi və torpaqlarımızın azad edilməsi istiqamətində birmənalı və qətiyyətli fəaliyyəti və aprel döyüşlərində şəhid olmuş mayor Təbriz Musazadə barədə geniş məlumat veriləcək.

 
16.04.2018 12:34:38
Oxuma sayı: 197