Ceyhun Bayramov: "Ərazi bütövlüyü tam təmin olunacaq"
Ölçü:

“Son gərginliyin əsas səbəbi Ermənistanın üzərinə götürdüyü öhdəlikləri yerinə yetirməməsidir”.

Koordinat.az
xəbər verir ki, bunu Azərbaycanın xarici işlər naziri Ceyhun Bayramov Türkiyə mediasına müsahibəsində deyib. Nazir bildirib ki, üçtərəfli bəyannamənin imzalanmasından təxminən 1 il 9 ay vaxt keçməsinə baxmayaraq, Ermənistanın üzərinə götürdüyü öhdəlikləri yerinə yetirməyib: "Onlar hələ də Qarabağı tərk etməyib. Biz Ermənistandan təxribatlara son qoymasını tələb edirik. Ermənistan öz öhdəliklərini tam yerinə yetirməlidir. Azərbaycanın ərazi bütövlüyü tam təmin olunacaq. Azərbaycan öz suveren ərazisində heç bir qanunsuz erməni silahlı qüvvələrinin mövcud olmasına imkan verməyəcək. Biz bunu dəfələrlə demişik. Düşünürük ki, Ermənistan tərəfi buna ciddi yanaşmalıdır”.

09.08.2022 16:49:00
Oxuma sayı: 1091