Kreml: "Sərhəddəki təxribatlarda Ermənistanın xüsusi marağı var"
Ölçü:

Son günlər Rusiya tərəfinin Ermənistandan narazılığı artıb.

Koordinat.az
xəbər verir ki, bu barədə Ermənistanın “Qraparak” qəzeti məlumat yayıb. Bildirilir ki, Moskvaya xüsusi simpatiyası ilə tanınan müdafiı naziri Vaqarşak Arutunyanın postundan azad olunması bu narazılığı daha da gücləndirib.

“Qraparak” qəzeti Zəngəzurda yerləşən rusiyalı sülhməramlılarının yerli sakinlərlə ünsiyyətdə Rusiyadan narazılıqlarını dilə gətirdiklərini yazır: “Hərbçilər Azərbaycan-Ermənistan sərhədindəki gərginliyə görə, erməni hakimiyyətini təqsirli bilir. Onlar Rusiyanın öz müttəfiqlik öhdəliklərini yerinə yetirə bilməməsi barədə təəssürat yaradıldığını və bunun Ermənistana Qərb ölkələrinin ordularının yerləşdirilməsi məqsədilə atıldığını söyləyiblər”.

Kreml Nikol Paşinyan hakimiyyətinin kadr islahatları çərçivəsində hökumət və ordudakı Rusiya yönümlü şəxsləri Qərblə inteqrasiya tərəfdarları ilə əvəzlədiyini və cəbhə xəttində yaradılna gərginliyin bu məqsədə xidmət etdiyini düşünür.

24.07.2021 11:56:00
Oxuma sayı: 670