Doğum haqqında məlumatı TƏBİB-dən gizlədənlər cərimələnəcək
Ölçü:


Doğum prosesinin  qeydə alınması qaydasının pozulmasına görə cərimə səlahiyyəti TƏBİB-ə təhvil verilir.

Korrdinat.az xəbər verir ki, məsələ Milli Məclisdə müzakirəyə çıxarılacaq İnzibati Xətalar Məcəlləsinə təklif edilən dəyişiklikdə əksini tapıb.

Dəyişikliyə əsasən, tibb müəssisəsi tərəfindən doğum haqqında məlumatın müvafiq icra hakimiyyəti orqanının müəyyən etdiyi orqana (quruma) TƏBİB-ə dərhal ötürülməməsinə və ya düzgün olmayan məlumatın ötürülməsinə görə vəzifəli şəxslər yüz əlli manatdan üç yüz manatadək məbləğdə cərimə ediləcək.

Eyni zamanda, doğum haqqında məlumatın müvafiq icra hakimiyyəti orqanının müəyyən etdiyi orqan (qurum) - TƏBİB tərəfindən müvafiq informasiya sisteminə ötürülməməsinə və ya düzgün olmayan məlumatın ötürülməsinə görə vəzifəli şəxslər yüz əlli manatdan üç yüz manatadək  məbləğdə cərimə ediləcək.

 Qeyd edək ki, əvvəllər bu məsələlərə Səhiyyə Nazirliyi baxırdı.

07.04.2021 13:26:00
Oxuma sayı: 25