Rusiya mətbuatı: "Müharibə bir həftəyə yekunlaşa bilər"
Ölçü:

Ermənistanın 30 ilə yaxındır işğal altındakı Dağlıq Qarabağda sentyabrın 27-dən başlanan müharibə yaxın bir həftəyə müharibə Azərbaycanın tam qələbəsi ilə yekunlaşa bilər.

Koordinat.az xəbər verir ki, Rusiyanın məşhur nəşrlərindən biri - “Moskovskiy komsomolets” belə yazır. Məqalədə müharibənin bir həftə ərzində yekunlaşması iki mühüm amillə şərtləndirilir. Amillərdən biri Azərbaycan Ordusunun yüksək teniki hazırlığı və qələbə ruhudursa, digər amil hava şəraitidir. Bildirilir ki, bu ilin payızı çox mülayim keçir. Bu da Azərbaycan Silahlı Qüvvələrinin dağ şəraitində rahat əməlliyyat keçirməsinə əlavə imkanlar açıb. Amma qış qapını kəsib. Ona görə də yaxınlaşan qış Azərbaycanı faktiki olaraq son böyük hücuma başlamağa məcbur edir. Bunun üçün Azərbaycan yaxın bir həftədə müharibəni qələbə ilə başavurma perspektivlərini qarşıya qoyub. Əks təqdirdə, total hücum əməliyyatlarını Azərbaycan bir neçə ay təxirə salmaq məcburiyyətində qalacaq. Ona görə də noyabrın ilk günlərində Azərbaycan tərəfi Şuşa, Qırmızı bazar, Xocavənd və digər strateji mövqeləri ələ keçirməyə çalışır.

Bu, baş verərsə, onda Dağlıq Qarabağın mərkəzi şəhəri Stepanarkertə (Xankəndi-red) Azərbaycan üçün bir anda iki yol açılacaq. Eyni zamanda, Dağlıq Qarabağdakı erməni icması üçün Ermənistanla əsas təchizat yolları kəsiləcək. Ona görə də Laçın və Şuşa şəhərləri uğrunda hazırda şiddətli döyüşlər gedir.

Məqalədə ermənilərin Xankəndidən cəmi 10-12 km aralıda yerləşən  əsas sursat-təchizat anbarının bu günlərdə partladıldığı da xatırladılır. Mütəxəssislər hesab edir ki, müharibədə azacıq fasilə bu anbarların ermənilər tərəfindən tezliklə sursatla təminatına imkan verə bilər. Bu isə müdafiəçilərin (yəni, işğaıçı ermənilərin) döyüş səmərəliliyinə dərhal təsir edə bilər.

Hərbi ekspert və politoloq Yuri Podolyaka öz informasiya səhifəsində yazır ki, “Əslində Azərbaycanın bu payız kampaniyasında yalnız bir tamhüquqlu hücum həyata keçirmək imkanı var. Bu imkan qaçırılsa, onda bir qış kampaniyası keçirməli olacaqlar. Aydındır ki, Azərbaycan Ordusu qışı mütləq dağlarda qarşılayacaq. Yeganə sual isə budur: Azərbaycan hansı mövqelərdə qışı keçirəcək?”.

Noyabrın ilk günündə 16-20 dərəcə isti qeydə alınıb. Lakin çərşənbə günündən bu həftənin sonuna qədər güclü yağışların olacağı gözlənilir. Bundan sonra temperatur 5-6 dərəcə aşağı düşəcəyi proqnozlaşdırılır. Uzun sürən yağışlar azərbaycanlıların "Bayraktar" tipli pilotsuz hücum təyyarələrini istifadəsini praktik olaraq aradan qaldırır. Düzdür, Azərbaycan Ordusu bu mümkün boşluğu artilleriya ilə  kompensasiya edə bilər. Mütəxəssislər şübhə etmir ki, Azərbaycan tərəfi artıq bu problemi də çözüb. Ona görə də “önümüzdəki günlərdə Qarabağda böyük döyüşlərin gedəcəyinə şübhə yoxdur. Azərbaycan tərəfi Şuşa, Qırmızı bazar və Xocavəndi bir həftə ərzində almaq üçün bütün qüvvələrini səfərbər edib, – deyə Yuri Podolyaka əlavə edib.
02.11.2020 19:54:00
Oxuma sayı: 57