Polad Bülbüloğlu niyə geri çəkildi? - səfirlikdən açıqlama
Ölçü:


Xəbər verdiyimiz kimi, Azərbaycanın Rusiyadakı səfiri Polad Bülbüloğlu UNESCO-nun baş direktoru vəzifəsinə namizədliyini geri götürüb.

Koordinat.az
xəbər verir ki, qurumun baş direktorluğuna keçirilən səsvermənin birinci turundan sonra Polad Bülbüloğlu bu addımı atıb. Azərbaycanın Rusiyadakı səfirliyinin yaydığı məlumata görə Polad Bülbüloğlunun namizədliyini geri götürməsində şişirdiləcək heç nə yoxdur: “Namizədliyini geri çəkməklə bağlı səfir Polad Bülbüloğlu mətbuata açıqlama verib. Belə bir addım atmasını başqa tərəflərə yozmaq lazım deyil. Səfirin özü də açıqlamasında UNESCO-nun baş direktoru olmaq istəməməsi ilə bağlı əlavə fikir səsləndirməyib. Ona görə də əlavə bir söz deyə bilmərik”

Qeyd edək ki, UNESCO-nun baş direktoru vəzifəsinə 5 ölkənin nümayəndəsi israrlıdır. İlk üçlüyə Qətər, Fransa və Misirin namizədi düşüb. Səsvermənin növbəti turu oktyabrın 11-də keçirilib. Yeni baş direktorun adının oktyabrın 13-də məlum olacağı ehtimal edilir.

 
12.10.2017 10:03:00
Oxuma sayı: 64