Moskva-Bakı xətti: Qafqazın yeni geosiyasətinə doğru
Ölçü:


Rusiya və Azərbaycan arasında sıx əməkdaşlıq var, hər iki ölkə xüsusən son dövrlərdə münasibətlərin yaxşı olmasını sübut edərək bir-birini sıx dəstəkləyir.

Koordinat.az xəbər verir ki, bunu Milli Məclisin Hüquq siyasəti və dövlət quruculuğu komitəsinin sədri Əli Hüseynli "Moskva-Bakı xətti - Qafqazın yeni geosiyasətinə doğru" adlı beynəlxalq konfransda çıxışı zamanı deyib. Onun sözlərinə görə, Ümumdünya Azərbaycanlıları Konqresinin (ÜAK) ləğv olunması ilə bağlı qərar Azərbaycan ictimaiyyətini və hökuməti çox narahat edir.

Ə.Hüseynli ÜAK-ın ləğvi ilə bağlı qərardan verilən apelyasiya şikayətinə ədalətli baxılacağına və qurumun fəaliyyətini davam etdirəcəyinə ümid etdiyini qeyd edib.

Azərbaycandakı Rus icmasının rəhbəri, Milli Məclisin deputatı Mixail Zabelin isə deyib ki, Rusiya Ədliyyə Nazirliyi məsələyə başqa cür də yanaşa bilərdi: "Biz Rus icması olaraq Ümumrusiya Azərbaycan Konqresinin bağlanması haqqında qərardan çox narahatıq. Bu gün Moskvada keçirilən Rusiya-Azərbaycan münasibətlərinə dair beynəlxalq konfransda ÜAK-ın fəaliyyəti məsələsini qaldıracağıq. Konfransda ÜAK-ın yeni rəhbərliyi də iştirak edir. Hesab edirik ki, ÜAK tərəfindən də təşkilatı məsələlərə səhlənkarlıqlar olub".

Zabelinin fikrincə, ÜAK-ın apellyasiya şikayəti üzrə sentyabrın 19-da keçiriləcək məhkəmədə müsbət qərar çıxarılacaq.
14.09.2017 13:57:00
Oxuma sayı: 85