Lapşin burulğanı: intihara cəhdin ertəsi gün əfv olunan bloqqer artıq İsrailədədir
Ölçü:


Blogger Aleksandr Lapşin artıq İsrail ərazisindədir.

Koordinat.az xəbər verir ki, bu barədə Rusiya mətbuatı məlumat yayıb. İsrail Knessetinin deputatı Kseniya Svetlova istinadən yayılan məlumatda deyilir ki, Lapşini Bakıdan aparan  təyyarə artıq İsrailə eniş edib: "Ailəsi onu qarşılayıb. Artıq bir yerdədilər”.

Xatırladaq ki, ayrı-ayrı dövlətlərin vətəndaşlığını daşıyan A.Lapşin Azərbaycanın dövlət sərhədini qanunsuz olaraq keçmə, ərazi bütövlüyünü parçalamağa yönələn açıq çağırışlar etmə əməllərinə görə Azərbaycan Baş Prokurorluğunun Ağır Cinayətlərə Dair İşlər üzrə İstintaq İdarəsində istintaqı aparılan cinayət işi əsasında təqsirləndirilən şəxs qismində cəlb edilərək beynəlxalq və dövlətlərarası axtarışa verilməsi ilə əlaqədar 2016-cı il dekabrın 15-də Belarus Respublikasının hüquq-mühafizə orqanları tərəfindən Minskdə saxlanılıb. O, 2017-ci il fevralın 7-də Azərbaycan Respublikasına ekstradisiya edilib. O, sentyabrın 10-da cəzaçəkmə müəssisəsində intihara cəhd edib. Ertəsi gün Azərbaycan prezidenti İlham Əliyev Aleksandr Lapşinin əfv edilməsi haqqında sərəncam imzalayıb. Sərəncama əsasən, Bakı Ağır Cinayətlər Məhkəməsinin 2017-ci il 20 iyul tarixli hökmü ilə azadlıqdan məhrum etmə cəzasına məhkum edilmiş İsrail vətəndaşı Lapşin Aleksandr Valeryeviç cəza çəkməkdən azad edilib.
14.09.2017 12:46:51
Oxuma sayı: 124