İcra başçısının işdən çıxarılmasına səbəb olan obyekt söküldü - FOTO
Ölçü:

Nizami rayonu, Məhəmməd Xəlil Şərifli və Şirin Mirzəyev küçərlərinin kəsişməsində yerləşən parkda tikilən qanunsuz obyekt sökülüb.

Koordinat.az
-ın məlumatına görə, qanunsuz obyekt barəsində Azərbaycan Dövlət Televeziyasında (AzTv) reportaj yayımlanıb. Parkın bir hissəsinin zəbt olunaraq tikilən obyekt ərazidə yaşayan sakinlərin narazılığına səbəb olub. Ərazidə yaşayan sakinlər bu tikililə bağlı öz narazılıqlarını bildirib.

Qeyd edək ki, sözü gedən ərazidə yerləşən park son illərdə paytaxtın bir çox ərazisində gerçəkləşdirilən "ABAD həyət" layihəsi çərçivəsində salınıb. Daha sonra parkın ərazisində qanunsuz şəkildə bir hissə zəbt olunaraq, obyekt inşa olunub.

Xatırladaq ki, Prezident İlham Əliyevin bu gün imzaladığı sərəncamla Arif Qasımov Nizami Rayon İcra Hakimiyyətinin başçısı vəzifəsindən azad edilib.
11.07.2020 15:32:00
Oxuma sayı: 66