İşsiz statusu alanlara birdəfəlik ödəmələr aprelin 1-dən hesablanacaq
Ölçü:

Aprelin 1-dən sonra da işsiz statusu alanlara birdəfəlik ödəmələr veriləcək.

Koordinat.az xəbər verir ki, bunu Əmək və Əhalinin Sosial Müdafiəsi Nazirliyinin Sosial təminat siyasəti şöbəsinin müdiri Babək Hüseynov deyib. Şöbə müdiri bu ödəmənin verilməsi üçün yalnız aprelin 1-dək deyil, aprelin 1-dən sonra da işsiz statusu alan şəxslərin nəzərdə tutulduğunu açıqlayıb.

Şöbə müdiri deyib ki, müraciətlərin tez yaxud gec edilməsinin önəmi yoxdur: “Müəyyən edilmiş kateqoriyaya aid olan və nə vaxt müraciət etməyindən asılı olmayaraq, aprelin 20-dək uçota alınmış işsiz statusunun daşıyıcıları və digər ödənişlər almayan şəxslərə dövlət büdcəsinin vəsaiti hesabına 190 manat məbləğində ödənişlərin verilməsi həyata keçiriləcək. Bu şəxslərin sayı 200 minədək ola bilər. Son zamanlar sistem yüklənib. Buna görə də qərar verilib ki, qrafik əsasında müraciətlərin daha tez uçota alınmasını həyata keçirək və eyni zamanda tələb olunan vəsaitlərin həcmini nəzərə ala bilək”.

Babək Hüseynov deyib ki, əgər müraciət edən ər və ya arvaddan – ailə üzvlərindən birinin aktiv əmək müqaviləsi varsa, onlara bu ödənişin verilməməsi nəzərdə tutulmayıb.
07.04.2020 16:41:00
Oxuma sayı: 87