Dövlət İmtahan Mərkəzi 38 şagirdin qiymətini dəyişdirdi
Ölçü:


Ümumi orta təhsil səviyyəsi üzrə təhsilalanların biliyinin yekun qiymətləndirilməsi (attestasiyası) imtahanının I mərhələsində yazılmış inşaların (esselərin) nəticələri ilə bağlı yaradılmış Apelyasiya Komissiyasına 111 şagird (bütün inşa yazanların 0,41%-i) inşa üzrə qiymətlərinin araşdırılması üçün ərizə ilə müraciət edib.

Dövlət İmtahan Mərkəzindən Koordinat.az-a verilən məlumatda belə deyilir. Bildirilib ki, müraciət edənlərdən 38 şagirdin (bütün inşa yazanların 0,14%-i) inşasının qiymətində dəyişiklik edilib, digər iddialarla bağlı isə şagirdlərə inşanın yerinə yetirilməsində yol verdikləri səhvlər izah edilib.
13.07.2017 11:57:17
Oxuma sayı: 204