Yeni kassa aparatlarının tətbiqi yenə ləngidildi
Ölçü:

Vergiödəyicilərinin yeni nəsil nəzarət-kassa aparatları (NKA) ilə təminatı ilin sonunda başa çatacaq.

Koordinat.az xəbər verir ki, İqtisadiyyat Nazirliyi yanında Dövlət Vergi Xidmətindən bildirilib ki, kölgə iqtisadiyyatının azaldılması üçün nağd dövriyyələrə də nəzarət edilməsi məqsədilə 2019-cu ildən yeni nəsil nəzarət-kassa aparatlarının tətbiqinə başlanılıb. Bu proses 4 mərhələdən ibarətdir. İlk 2 mərhələ 2019-cu ildə 91 faiz icra edilib. 2020-ci ildə 3-cü mərhələnin icrasına başlanılıb və artıq 17,1 faizi icra olunub.

Tam olaraq bütün vergiödəyicilərinin əhatə edilməsi isə 2022-ci il dekabrın 31-də başa çatacaq. Bu dövrədək vergi orqanları nağd əməliyyatları həyata keçirən bütün obyektləri, əsasən də pərakəndə ticarət və ictimai iaşə obyektlərini yeni nəsil NKA-lar ilə təmin etməlidirlər.


14.02.2020 12:38:00
Oxuma sayı: 18