Magistraturaya 4165 bakalavr sənəd verib
Ölçü:

Fevralın 7-si saat 10.00-a olan məlumata əsasən, magistraturaya sənəd verən 4165 bakalavr ərizəsini təsdiq edib.

Dövlət İmtahan Mərkəzindən Koordinat.az-a verilən xəbərə görə, onlardan 3768-i Azərbaycan, 397-si rus bölməsi üzrədir.  Qəbul imtahanında iştirak etmək üçün bakalavrların ərizələrinin qəbulu internet vasitəsilə aparılır. İmtahanda iştirak etmək üçün bakalavr 2020-ci il  fevralın 13-dək Mərkəzin internet saytının ekabinet.dim.gov.az səhifəsində “Şəxsi kabinet” yaratdıqdan sonra ərizə vermək üçün tələb olunan məbləği (50 AZN) “Şəxsi kabinet”indəki hesabına əlavə etməlidir.

Bakalavr “Şəxsi kabinet”inin istifadəçi adı və parolundan istifadə etməklə 13 fevral saat 23.59-dək Mərkəzin internet saytının müvafiq səhifəsinə (http://eservices.dim.gov.az/erizemag/erize) daxil olub “Bakalavrın elektron ərizəsi” formasını doldurub təsdiq etməlidir.

07.02.2020 10:07:00
Oxuma sayı: 1518