Azərbaycan gələn il beynəlxalq təşkilatlara 7 milyon manat xərcləyəcək
Ölçü:


Azərbaycan gələn il əməkdaşlıq etdiyi bir sıra beynəlxalq təşkilatların donoru qismində 7 milyon dollar vəsait ayıracaq.

Koordinat.az-ın məlumatına görə, Maliyyə naziri Samir Şərifov deyib ki, ölkə başçısı İlham Əliyevin tapşırığına əsasən Azərbaycan gələn ildən etibarən bir sıra beynəlxalq təşkilatlarda donor ölkəsi qismində çıxış edəcək. Ayrılan vəsaitin 2 milyon dolları Asiya İnkişaf Bankının Asiya İnkişaf Fonduna, 2 milyon dollar Avropa Yenidənqurma və İnkişaf Bankına, 3 milyon dollar Beynəlxalq İnkişaf Assosiasiyasına veriləcək: “Bu, Azərbaycanın beynəlxalq inkişafa verdiyi töhfə olmaqla yanaşı, son illərdə Azərbaycanın beynəlxalq əməkdaşlıq siyasətinin daha bir nümunəsidir. Bu ilin oktyabrında Azərbaycan “Qoşulmama Hərəkatının” sədri seçilib və 3 il bu böyük təşkilata sədrlik edəcək. Bundan başqa rəsmi Bakı müsəlman ölkələri ilə yaxından əməkdaşlıq edir, İslam Əməkdaşlıq Təşkilatı çərçivəsində bir sıra beynəlxalq tədbirlərə ev sahibliyi edib".

Samir Şərifov deyib ki, Azərbaycanın təsis etdiyi İslam Əməkdaşlıq Təşkilatı Gənclər Forumu vasitəsilə rəsmi Bakı beynəlxalq aləmdə, eləcə də müsəlman ölkələrində gənclər siyasəti ilə bağlı genişmiqyaslı tədbirlər həyata keçirib. Təkcə “Xocalıya Ədalət” kampaniyası vasitəsilə yalnız müsəlman ölkələrində deyil, dünyanın bütün nöqtələrində Xocalı faciəsini tanıdan aksiyalar təşkil olunub: "Eyni zamanda Azərbaycan Fələstinə birbaşa yardım etməklə, İslam həmrəyliyi kursunu dəstəkləyir. Bununla da beynəlxalq əməkdşalıq sahəsində ciddi uğurlara nail olmağı hədəfləyir”.
06.12.2019 18:16:00
Oxuma sayı: 81