Lənkəran və Şamaxıda gənclərə dövlət qulluğuna dair təlimlər keçirilib
Ölçü:

“Vətənpərvər Maarifçi Gənclər” İctimai Birliyi tərəfindən “Region gənclərinin dövlət qulluğuna təşviqi” adlı layihə çərçivəsində Lənkəran və Şamaxı şəhərlərində 100-dən çox gəncin iştirakı Ilə təlimlər həyata keçirilib.

Koordinat.az xəbər verir ki, təlimlərdə region gənclərinə dövlət qulluğu, qulluğa qəbul, bu sahədə mövcud qanunvericilik,  gənclərin peşə seçimi, dövlət qulluğuna hazırlaşmaq metodikası, Dövlət İmtahan Mərkəzinin dövlət qulluğuna qəbulla bağlı həyata keçirdiyi yeniliklər, dövlət qulluğunun üstünlükləri, www.dim.gov.az saytından istifadə qaydaları öyrədilib.

Dövlət İmtahan Mərkəzinin məsul əməkdaşı Rüfət Ağayevin təqdimatında baş tutmuş  təlimlər gənclərin böyük marağına səbəb olub.  Layihə çərçivəsində nəşr edilmiş dövlət qulluğuna qəbulla bağlı maarifləndirici toplu da region gənclərinə paylanıb.
4 regionu əhatə edən,  Azərbaycan Respublikası Gənclər Fondunun maliyyə dəstəyi və Dövlət İmtahan Mərkəzinin tərəfdaşlığı ilə reallaşan layihə Şamaxı şəhərində keçirilmiş təlimlə yekunlaşıb.



02.12.2019 16:37:00
Oxuma sayı: 33