Fuad Qəhrəmanlının məhkəmə prosesi niyə uzadılır? - vəkildən açıqlama
Ölçü:

Abşeron Rayon Məhkəməsində hakim Elman Məmmədovun sədrliyi ilə Zümrüd Yağmurun həyat yoldaşı Fuad Qəhrəmanlıya qarşı boşanma ərizəsi əsasında məhkəmə prosesi növbəti dəfə təxirə salınıb.

Koordinat.az xəbər verir ki, bu barədə Trend.az-a Z.Yağmurun vəkili Zibeydə Sadıqova bildirib. Vəkil deyib ki, hakim prosesi növbəti dəfə təxirə salıb: "Tərəflərin hər ikisi məhkəməyə boşanmağa görə razılıq veriblər. Amma hakim prosesi uzadır. Bu dəfə hakim əsas gətirdi ki, Fuad Qəhrəmanlı həbsdədir və məhkəmədə iştirak edə bilmədiyi üçün proses təxirə salınır. Buna görə də növbəti məhkəmə prosesi noyabrın 21-nə təyin olundu".

Qeyd edək ki, məhkəmə prosesi artıq 5-ci dəfədir ki, təxirə salınır.

Xatırladaq ki, Zümrüd Yağmur AXCP sədrinin sabiq müavini Fuad Qəhrəmanlı ilə nikahının pozulması məqsədilə Abşeron rayon Məhkəməsinə müraciət edib.

18.11.2019 17:18:00
Oxuma sayı: 31