“Azərbaycan Beynəlxalq Bankdan 9600-dən çox problemli aktiv qəbul etmişdik. Bu günə qədər 3.2 milyard manatdan çox borc ödənilib”.

Koordinat.az-ın məlumatına görə, bunu Aqrarkredit Səhmdar Kredit Təşkilatının İdarə Heyətinin və Sahibkarlar Konfederasiyasının sədri Məmməd Musayev bu gün YAP-da keçirilən mətbuat konfransında deyib. O qeyd edib ki, 1300-dən çox borclunun borcu qapanıb: “Bu sahədə işlər davam etdirilir, mümkün olduğu halda kreditlər restrukturizasiya edilir. Kredit borcu olanlardan 4 mindən çoxu fiziki şəxslərdir. Bilirsiniz ki, cənab Prezident uğurlu bir fərman verdi, 10 min dollara qədər olan kreditlərin restrukturizasiyası həyata keçirilir”.