“Lider” telekanalında qalmaqallı istefa
Ölçü:


Müğənni Elnarə Xəlilova “Lider” telekanalındakı “Xeyirli axşamlar” verilişindən ayrılıb.

Koordinat.az
xəbər verir ki, bu barədə Lent.az məlumat yayıb. Bildirilir ki, müğənninin kanaldan ayrılmasına səbəb rəhbərliklə yola getməməyi olub. Belə ki, müğənnidən verilişlərindən birinə dəvət edilmiş qonaqların birini xüsusi təmtəraqla təqdim etmək tələb edilib. O isə buna etiraz və deyib ki, həmin qonaq xüsusi təmtəraqla təqdim edilməyə layiq deyil. Bu məsələ isə kanal rəhbərliyi ilə müğənni arasında iplərin tamamilə qopmasına səbəb olub və müğənni "Lider TV"dən ayrılıb.
 
E.Xəlilovanın prodüseri isə müğənninin kanaldan ayrıldığı təsdiqləsə də, bunun səbəbləri barədə danışmaq istəməyib: “Bəli, Elnarə xanım “Xeyirli axşamlar” verilişindən gedib. Niyə gedib? Bu barədə açıqlama vermək istəmirik”.
 
Onu da əlavə edək ki, həftə içi 5 gün yayımlanan  “Xeyirli axşamlar” verilişini bu axşam E.Xəlilovanın əvəzinə müğənni Nazənin aparacaq.
 
Qeyd edək ki, Elnarə “Lider”dən öncə "Space"də aparıcılıq edirdi. O, "Lider"də "Xeyirli axşamlar" verilişinə ötən ayın sonları aparıcılıq edirdi.
 
12.01.2018 14:32:00
Oxuma sayı: 495