Nəcməddin Sadıkovun da istefası gündəmə gəldi - "Facebook"da
Ölçü:


Azərbaycan Prezidenti, Ali baş komandan İlham Əliyevin əmri ilə bir neçə yüksək rütbəli hərbçinin ordudan istefaya göndərilməsi gündəmin əsas mövzusuna çevrilib.

Koordinat.az
xəbər verir ki, istefaya göndərilən yüksək rütbəli hərbçilərin adları açıqlandıqdan sonra sosial şəbəkələrdə Baş Qərargah rəisi Nəcməddin Sadıkovun da istefaya göndərilməyin vaxtının çatdığına dair müzakirələr başlayıb. Buna səbəb kimi Nəcməddin Sadıkovun bu vəzifədə uzun müddət çalışması və onun "Rusiyanın adamı" olması göstərilir. "Facebook"da başlayan müzakirələrdə qeyd edilir ki, "Rusiyanın adamı" olan Baş Qərargah rəisi Ermənistanla müharibə vəziyyətində olan Azərbaycan üçün yaxşı heç nə vəd etmir.

Bununla yanaşı, müzakirələrə qoşulanlar arasında Nəsməddin Sadıkovun vəzifədə qalmasının tərəfdarı kimi çıxış edənlər də az deyil. Baş Qərargah rəisinin vəzifədə qalmasının tərəfdarı olanlar Nəcməddin Sadıkovun sırf milliyyətinə görə bu mühüm postdan azad edilməsi ilə bağlı təbliğat aparıldığını önə çəkirlər. Onlar belə hesab edirlər ki, Nəcməddin Sadıkovun Baş Qərargah rəisi vəzifədən azad edilməsi Rusiyanın öz niyyətini həyata keçirməsi üçün bəhanə ola bilər.

Xatırladaq ki,
Müdafiə Nazirliyində yüksək vəzifə tutmuş bəzi hərbçilər istefaya göndərilib. İstefaya göndərilənlər arasında Silahlı Qüvvələrin Baş qərargah rəisinin birinci müavini, general-leytenant Eyvaz Cəfərov və Baş qərargahın Baş Əməliyyat İdarəsinin rəisi, general-mayor Elbrus Orucov da var. Həmçinin Baş Qərargahdan polkovnik Murad Həmidov da istefaya göndərilib.

İstefaya göndərilən generaldan biri –  Elbrus Orucov vaxtilə Şuşanın düşmənə təslim edilməsi işi üzrə mühakimə olunub. Sonradan o, Azərbaycanın Özbəkistan və Gürcüstandakı hərbi attaşesi təyin edilib. Zakir Həsənovun müdafiə naziri təyin olunmasından sonra isə Baş qərargahın Baş Əməliyyat İdarəsinə rəis gətirilib.
28.03.2017 16:54:35
Oxuma sayı: 21479