Əli Əhmədov:“Qarabağın mənsubiyyəti Paşinyan kimilərin bəyanatı ilə dəyişdirilə bilməz”
Ölçü:


“Ermənistanın baş naziri Nikol Paşinyanın təxribatçı və sərsəm bəyanatı Azərbaycanın Prezidenti İlham Əliyevin sərt və qəti bəyanatı ilə darmadağın edildi”.

Koordinat.az xəbər verir ki, bunu baş nazirin müavini Əli Əhmədov “Facebook” sosial şəbəkəsindəki səhifəsində yazıb. O, qeyd edib ki, Qarabağ Azərbaycandır, tarixin təsdiq, beynəlxalq hüququn və birliyin qəbul etdiyi bu məntiqlə razılaşmamaq mümkün deyil: “Qarabağ Azərbaycanındır, Azərbaycan xalqına mənsubdur. Onun mənsubiyyəti Paşinyan kimilərin bəyanatı ilə dəyişdirilə bilməz və dəyişdirilməyəcək. Buna Azərbaycan xalqı, onun ordusu və Ali Baş Komandanı İlham Əliyev imkan verməz. Avantürist bəyanatın qarşısına ədalətli və sərt bəyanat qoyuldu. İşğalçı siyasətin aqibəti də beləcə xalqımızın iradəsi və ordumuzun qüdrəti ilə sona çatacaq”.
05.10.2019 14:46:00
Oxuma sayı: 26