Neft bazarındakı bahalaşma uzunmüddətli olmayacaq
Ölçü:


ABŞ prezidentinin Çinə qarşı sentyabrın 1-ə planlaşdırılan tarif artımlarını təxirə salması qlobal birjalara təsirsiz ötüşmədi. Belə ki, son vaxtlar neft daxil olmaqla strateji məhsulların qiymətlərində artımlar müşahidə edilir.

Koordinat.az xəbər verir ki, iqtisadçı ekspert Vüqar Bayramov mövzunu şərh edərkən neft bazarındakı bahalaşmanın uzunmüddətli olmayacağını deyib. Onun sözlərinə görə, Ağ Ev ticarət müharibəsinin yumşalacağı mesajı versə də, bunun uzun müddətli olacağı gözlənilmir:“Məhz bu səbəbdən də Brent markalı neftin 1 barelinin qiymətinin 60 dolları keçməsinə baxmayaraq, ciddi qiymət artımları müşahidə edilmədi. Doğrudur Asiya birjalarında canlanma müşahidə olunur. Amma hələlik investorlar qlobal iqtisadi artım tempinin azalmayacağına və ABŞ-da seçki qabağı yeni sürprizlərin olmayacağına əmin deyillər. Bu isə o deməkdir ki, yeni tariflərin tətbiqinin təxirə salınmasına baxmayaraq, hələ də strateji məhsulların qiyməti təzyiq altındadır. Bu baxımdan da, neftin qiymətinin yaxın zamanlarda yenidən 60 dollarlıq həddin aşağısına düşəcəyi istisna deyil. Bütün hallarda birjaların Ağ Evdən gələn xəbərə reaksiyası bir daha təsdiq edir ki, ticarət müharibəsi hələ uzun müddət qlobal iqtisadiyyatın əsas mesajı olaraq qalacaq”.

14.08.2019 09:52:00
Oxuma sayı: 24