İndoneziyada zəlzələ baş verib
Ölçü:



İndoneziyada baş verən zəlzələ nəticəsində bir nəfər ölüb, dörd nəfər yaralanıb.

Koordinat.az-ın məlumatına görə, bu barədə “Straits Times” qəzeti bildirib.

Məlumata əsasən, bir nəfər Lebak dairəsində həlak olub, dördü isə Yava adasındakı Pandeqlanq və Sukabumi dairələrində yaralanıb.

Bildirilir ki, Banten və Qərbi Yava vilayətlərində 113 bina dağılıb.

Qeyd edək ki, öncə Avropa-Aralıq dənizi Seysmoloji mərkəzinin verdiyi xəbərə əsasən, İndoneziyanın Sumatra adası sahillərində 7,1 bal gücündə zəlzələ qeydə alınıb. Zəlzələnin episentri Pandeqlanq yaşayış məntəqəsindən 250 kilometr cənub-qərbdə, ocağı isə 10 kilometr dərinlikdə yerləşib. Daha sonra Mərkəz zəlzələnin maqnitudasını 6,8-ə qədər azaldıb.
03.08.2019 10:25:00
Oxuma sayı: 78