Kosmosa raket çıxara biləcək təyyarə -VİDEO
Ölçü:

Microsoftun qurucularından Paul Allen Microsoftdan ayrıldıqdan sonra bütün diqqətini kosmos və aviasiya texnologiyalarına ayırdı. Stratolaunch Systems adlı yeni bir şirkət quran Allen, bu iş üçün Elon Musk və Burt Rutan kimi tanınmış şəxsləri də yanına almağı bacardı.

Stratolaunch Systems, Amerika Birləşmiş Ştatları fəaliyyət göstərən xüsusi havaçılıq və kosmos şirkətlərindən biri olaraq tarixə keçməyə hazırlaşır. Kosmosa insan və yük göndərmək üçün fərqli bir üsul əldə edən  Stratolaunch Systems, bu iş üçün Ginnesin rekordlar kitabına girəcək ölçülərdə bir təyyarə istehsal etmişdir.

Stratolaunch adını daşıyan bu təyyarənin istehsalını Burt Rutanın scaled COMPOSITES adlı şirkəti həyata keçirir. Amerikanın Kaliforniya ştatındakı Mojave bazasında istahsal edilməkdə olan Stratolaunch, önümüzdəki il test uçuşlarına başlayacaq. Rutan bu təyyarəni hazırlaya bilmək üçün iki ədəd Boeing 747 sərnişin təyyarəsinin gövdə və hissələrini istifadə etmişdir.

Stratolaunch 117 metrdən çox qanad açıqlığı ilə bir futbol sahəsinə sığmayacaq ölçülərə sahibdir. Cüt gövdəli və 6 motorlu bu təyyarə, təxminən 600 tonluq qalxma  ağırlığına sahib olacaq. İki gövdə arasında daşıyacağı raketi atmosferin ən üst təbəqələrinə qədər çıxaracaq olan təyyarə, raketi burada sərbəst buraxaraq atmosfer xaricinə çıxmasına köməkçi olacaq.

Bu böyüklükdə bir təyyarənin 4 kilometrdən daha uzun bir yola ehtiyac duyacaq olması, istifadə edilə biləcək hava limanlarının sayının az olacağına gətirib çıxaracaq. Ancaq bu üsulla orbitə insan və yük göndərmək çox ucuz və sürətli olacaq. Raketlərin kosmosa çıxarılmasında hava şəraitinə bağlı qalnayacağı kimi, daha az yanacaq da sərf ediləcək. Əgər Allenin planları planlaşdırıldığı kimi getsə, Stratolaunch yalnız rekordlar kitabına deyil, dünya havaçılıq tarixinə də qızıl hərflərlə yazılacaq.


05.08.2015 10:00:00
Oxuma sayı: 1388